Дали сте активен пушач, или само повремено ќе запалите цигара? Д-р Ричард Расел, советник за здравјето на белите дробови, при британското Здружение за белодробни болести тврди дека не постојат повремени пушачи, и дека тоа е термин кој пушачите го измислиле за да ги оправдаат своите навики.
Имено, организмот ја пресметува секоја испушена цигара, без разлика колку ретко е тоа. Кога и да пушите –повремено или секогаш, вдишувате отровни хемикалии. Дури и повременото пушење го изложува телото на ризици. Единствено сигурно е да не пушите„, вели д-р Расел.
„Научниците од Универзитетот Бристол заклучиле дека секоја цигара која човекот ќе ја испуши, го скратува животот за 11 минути. Долгогодишна студија покажала дека луѓето кои пушеле од една до четири цигари дневно имале многу поголем ризик од предвемена смрт отколку непушачите„, додава лекарот.
Причина за тоа е фактот дека пушењето ги слабее белите дробови и ги изложува на инфекции. Исто така, пушењето ги намалува способноста за дишење и снабдувањето на крвта со кислород. Телото кое не е доволно снабдено со кислород пропаѓа, што јасно се гледа по кожата и косата.
Научниците од Инсистутот Wellcome Trust Sanger анализирале ДНК од т.н. повремени пушачи и откриле дека дури и најмала количина испушени цигари предизвикува мутација на ДНК кои може да доведат до развој на рак.
