Високо заразната делта варојанта на коронавирусот се шри во светот, а поради неа, се повеќе има повторни затворања, како тоа во Португалија. Научниот советник на Белата куќа, Ентони Фаучи токму делта сојот го окарактеризира како “најголема закана за истребување од КОВИД-19“.
Прв пат е идентификувана во Индија, а сега чини над 25 проценти од ковид случаевите во САД и е на пат да стане доминантен сој, покажуваат податоците од Центарот за превенција и контрола на болести на САД.
Еве што мора да знаете за опасниот делта сој:
- Зошто делта сојот е таква причина за загриженост?
Според актуелните истражувања, делта варијантата, официјално регистрирана како B.1.617.2, е најзаразната тековна варијанта на коронавирусот – според податоците од Велика Британија, таа е 40 до 60 проценти позаразна од алфа сојот, идентификуван на ова подрачје.
- Кои се предвидувањата за Европа?
Делта варијантата на коронавирусот е особено инфективна, може да претставува 90 проценти од новите случаи во Европа до крајот на август, оцени минатата недела Европскиот центар за превенција и контрола на болести.
СЗО за Европа очекува дека таа варијанта ќе стане “доминантна“ на стариот континент до август.
- Имаат ли заболените од делта сојот потешки симптоми?
Иако се потребни подетални истражувања, постојат индикации дека е така. Студија објавена во списанието „Лансет“, во која се следеле заболени во Шкотска, каде овој сој го има преземено приматот. Пријавено е дека бројот на хоспитализирани е двојно поголем од оние со алфа варијантата. Меѓу симптомите се наведуваат главоболки, течење на носот, покачена температура, отечено грло, отежнато дишење.
- Штити ли вакцината од делта сојот?
Две дози вакцина против КОВИД-19 се чини дека штитат од многу зараниот делта сој на коронавирусот, објави Европската агенција за лекови (ЕМА). “Податоците кои се појавуваат, а се добиени од конкретни докази покажуваат дека две дози вакцина штитат од делта варијантата“, изјави Марко Кавалери, задолжен за стратегија за вакцинација во ЕМА.
Бројот на лица заразени со ковид повторно се зголемува во Европа од минатата недела, по десет последователни падови, соопшти во четвртокот Европската канцеларија на Светската здравствена организација (СЗО), додека се шири бранот на позаразната делта варијанта.
- Што е делта плус сојот?
Не е невообичаено вирусот да мутира и да се менува, а токму тоа го забележаа научниците во Индија, нарекувајќи го новиот феномен – делта плус. Оваа варијанта, наводно, е веќе присутна во 11 земји во светот, вклучувајќи ги и САД, но потребни се дополнителни истражувања за да се утврди дали делта плус носи поголеми ризици и опасности.
