Два чести и навидум безопасни симптоми кои упатуваат на зараза со делта сојот

До денес како симптоми на болеста КОВИД-19 најчесто се пријавени главоболка и течење на нос.

Водачот на нова студија, проф. Тим Спектор, наведува дека инфекцијата со новиот делта сој на коронаврусот многу повеќе потсетува на обична настинка кај младите лица, па иако лицето нужно не мора да се чувствува многу лошо, може да ја шири заразата и така да ги става другите во ризична положба. Тој советува да секој кој има симптоми направи тест за ковид.

ПОЗНАТИ И ЧЕСТИ СИМПТОМИ НА КОВИД-19 СЕ:

  • Кашлица
  • Температура
  • Губвење на сетилото за вкус и мирис

Но, проф. Спектор истакнува дека споменатите симптоми се помалку вообичаени, судејќи според податоците кои неговиот тим ги собрал од илјадници лица кои своите симптоми ги пријавувале на посебна апликација. “Од почетокот на мај преку нашата апликација ги следевме симптомите на корисници, а симптомите не се истите какви што беа“, додава тој.

Се чини дека до промена на симптомите е дојдено со појавата на делта сојот на коронавирусот, кој за прв пат беше забележан во Индија и денес е одговорен за околу 90% од случаите на инфекција во Велика Британија. Додека температурата останува еден од симптомите, губењето на вкусот и мирисот не се евиденитра во првите 10 симптоми, а главоболката и течење на носот во моментов се најчести, а може да се појават заедно со болно грло.

“ЧУДНО“ ЧУВСТВО

“Се чини дека оваа варијанта делува нешто поинаку“, истакува професорот, додавајќи дека луѓето може да помислат дека се работи за сезонска настинка и дека можат и понатаму слободно да се шетаат меѓу луѓе. На пример, на еден собир може да заразат и уште 6 други лица, а токму во тоа и е проблемот.

„Пораката е дека ако сте млада личност, сигурно ќе имате и благи симптоми како што се течење на носот и главоболка, но дури и во ваков случај, треба да останете дома и да се тестирате“, додава тој.

БОЛКА ВО МУСКУЛИТЕ

И студија спроведена на Империал колеџот во Лондон, која вклучувала податоци за повеќе од еден милион луѓе во Англија, кога варијантите Алфа и англиската варијанта биле доминантни, открила дека постои широк спектар на симптоми на болеста КОВИД-19.  Температура со треска, губење на апетит, главоболка и болки во мускулите се поврзани со инфекцијата, заедно со сите други симптоми. И понатаму се јавуваат симптоми како кашлица, висока температура или губење на вкус и мирис, па е потребно и на нив да се внимава. Дефинитивно е потребно, доколку забележите симптоми, да направите тестирање.