Пешкирите кои ги користиме секојдневно се плодно тло за развој и размножување на бактерии и габи, на нив се насобираат мртви ќелии од кожата, слуз, фекален и уринарен секрет и бројни други бацили од купатилото, вклучувајќи и капки од ве-це школката, што е сосема доволно за да размислите за нивното почесто менување, односно перење.
Иако повеќето бацили нема да ви нашетат бидејќи се од вашето тело, сепак треба да размислите за фактот дека многу брзо се размножуваат, особено на влажна подлога.
Значи, колку често треба да ги менувате пешкирите?
“Зависи од тоа за што ги користите. Ако станува збор за пешкири за телото кои успевате да ги исушите во потполност, на пример, на радијатор, не повеќе од три пати”, тврди патологот и микробиолог Филип Тиерно од њујоршкото University School of Medicine.
“Малите пешкири кои ги користите за бришење раце, би требало да ги перете почесто. Полесно се валкаат затоа што ги користиме по неколку пати дневно, па треба да се менуваат секојдневно. Ако од пешкирите се шири непријатен мирис, тоа е знак дека на него се размножиле микроби и дека треба да се испере”, вели Тиерно.
