Поминаа речиси две години откако новиот коронавирус влезе во нашите животи и ги одбележа на разни начини. Во текот на оваа борба со вирусот, научниците и медицинските стручњаци напредуваат во поглед на лекувањето, терапиите и најважното – вакцините.
Освен со вакцините, голем дел од населението стекна имунитет благодарение на нивната последна инфекција, што значајно помогна во спречување на ширењето на вирусот. Но, дали тоа значи дека сме целосно заштитени и дека може да вратиме на нормалниот живот?
ВАКЦИНАЦИЈА ПРОТИВ КОРОНА: Бустер дозата треба да биде приоритет
За оние кои се уште не се вакцинирале против коронавирусот, сега е време. Со оглед на историјата на непредвидливост на вирусот, вакцинриањето е исклучително важен чекор што не смее да се пропушти. Иако вакцините не штитат од можноста за зараза со вирусот, тие спречуваат потешки форми на болеста, намалувајќи ги шансите за хоспитализација и намалувајќи го ризикот од смрт.
Со омикрон варијантата која сега се шири со неверојатна брзина, стручњаците веруваат дека тој сој има механизам за избегнување на имунитетот кој му помага да го избегне имунитетот стекнат со вакцината. Токму поради овие наоди, некои лекари и научници ја презентираа идејата за надоградување на вакцините, додека останатите веруваат дека бустер дозите се правилниот пат.
Според последниот извештај на американскиот ЦДЦ, бустер дозите вакцина се многу важни во борбата против омикрон. Податоците покажуваат дека бустер дозите од тие вакцини (Фајзер и Модерна) се 90 процентно ефикасни против новиот сој.
Претходно и американскиот експерт за заразни болести, Ентони Фаучи изјави дека две дози на постоечките вакцини против коронавирусот можеби нема да делуваат добро против омикрон, но дека бустер дозите може да бидат ефикасни.
Инфекцијата со коронавирус може да ви обезбеди долготраен имунитет
Доколку сте се опоравиле од зараза со коронавирус, секако можете да бидете сигурни дека сте стекнале одреден имунитет против смртоносниот вирус.
Инфекцијата со коронавирус го активира имуниот систем на вашето тело за да препознае и одговори на смртоносни патогени кои може да доведат до зараза. Во текот на целиот овој процес на зараза и опоравување, вашето тело произведува антитела кои помагаат во создавањето долготраен имунитет.
Иако не постојат цврсти докази кои би ја потврдиле должината на имунитетот по инфекцијата со коронавирус, постојат студии кои покажуваат дека имунитетот на SARS-COV-2 може да биде долготраен.
Според студијата на Школата за јавно здравје при Универзитетот Јеил, објавена во списанието Lancet, имунитетот на лицата кои прележале КОВИД-19 може да трае од 3 месеци до пет години. Други студии пак ја намалиле таа рамка на 6 месеци до една година. Сепак, останува простор за шпекулации.
Вакцинирани сте и имате природно стекнат имунитет? Тоа и понатаму не е причина за опуштање
Ако сте вакцинирани, а сте биле заразани со коронавирус во минатото, тогаш во голема мера е сигурно дека сте развиле двојна заштита против КОВИД-19.
Но, дали тоа ви дава слобода да се опуштете? Не баш. Вакцинацијата против КОВИД-19 сосема сигурно штити од сериозни форми на болеста, но вас не ве штити од зараза и не спречува да се шири вирусот. Тоа пак значи голем ризик за оние најранливите во општеството, вклучувајќи ги имунокомпромитираните, лицата со коморбидитети и децата.
Случаи на инфекции кај целосно вакцинирани
Со појавата на нови соеви на вирусот, случаите на инфекции кај ревакцинираните (примени две дози) се почести од кога било. Со оглед на тоа што вакцините за коронавирус се развиени за оригиналниот вид, се верува дека новите варијанти можат да ги избегнат антителата добиени со вакцинација.
Оние со коморбидитети и имунокомпромитирани би можеле да бидат изложени на поголем ризик од инфекција и покрај вакцинацијата.
Можност за реинфекција со оглед на омикрон сојот
Според последниот извештај на Светската здравствена организација, омикрон варијантата сега е присутна во 171 земја во светот. Се верува дека оваа варијанта наскоро би можела да стане подоминантна од делтата.
По испитувањата на новиот сој на коронавирусот, научниците од Империјал колеџот во Лондон веруваат дека омикрон има помеѓу 4.38 и 6.63 пати поголеми шанси за повторна зараза со вирусот во споредба со делта.
Како да се однесуваме понатаму?
Со оглед на сè што знаеме досега, КОВИД-19 и понатму треба да се сфати сериозно. Вирусот не фати неподготвени во многу ситуации. Иако вакцините, бустер дозите и претходните инфекции можат да ве заштитат до одреден степен, тоа не значи дека сте целосно имуни на вирусот и дека не треба да бидете подготвени за најлошото.
Редовно носете маска, избегнувајте гужви и мијте ги и дезинфицирајте ги рацете. Ако сте примиле две дози вакцина, одлучете се за бустер доза што е можно поскоро.
