Кај пациентите кои преживеале тешка форма на КОВИД-19 воочена е два пати поголема веројатност за смрт во идната година во однос на оние кои не биле зарзени со коронавирус или болеста ја прележале со благи до умерени симптоми, покажуваат резултатите од нова студија објавена во списанието Frontiers in Medicine.
Студијата покажала дека зголемен ризик од смрт е забележан особено помеѓу популацијата помлада од 65 години, а само 20 проценти од пациентите кои прележале тешка форма на КОВИД-19 починале од последици типични за КОВИД-19, како респираторно затајување.
“Наша претходно спроведена студија покажа дека кај пациентите со прелеѓана тепка форма на КОВИД-19, кои успеале да се опорават, постои значајно поголем ризик од хоспитализација во следните шест месеци“, вели главниот автор на студијата, проф. Арч Мејнес од Универзитетот Флорида.
“Со новата студија ги проширивме досегашните сознанија за да истражиме колкав е ризикот од смртност, една година по прележување на тежок КОВИД-19“.
Истражувачите ги проучиле електронските здравствени картони на 13.638 пациенти на кои им било направено ПЦР тестирање на КОВИД-19, во рамките на здравствениот систем на Универзитетот Флорида, при што 178 пациенти имале тешки симптоми на болеста, 246 покажувале благи или умерени симптоми на КОВИД-19, а останатите биле негативни.
Сите пациенти вклучени во студијата се опоравиле од болеста, а научниците и после тоа, продолжиле да ја следат нивната здравствена состојба.
“Нашето истражување покажа дека во претстојната една година, воочени се значајно поголеми шанси од смртен исход помеѓу пациентите кои прележале тешка форма на ковид (поради што биле хоспитализирани)“.
Образецот бил особено чест помеѓу пациенти помлади од 65 години.
Со оглед на тоа што смртните исходи почесто уследиле долго по прележување на инфекцијата, многу е веројатно да ниту семејствата, ниту нивните лекари никогаш не ги поврзале со КОВИД-19, покажало истражувањето.
Поголемиот број смртни случаи што уследиле во рок од една година откако пациентите преживеале тешка форма на КОВИД-19, не се поврзувале со вообичаените компликации кои ја следат оваа болест. Имено, 80 проценти од таквите смртни исходи се случиле со цела низа причини кои лекарите обично не ги доведуваат во врска со коронавирусот.
Податоците укажуваат на тоа дека во периодот од една една година по хоспитализацијата поради КОВИД-19, севкупната здравствена состојба на пациентите се влошила и дека им ослабел имунитетот, поради што биле поподложни на развој на разни други болести.
“Со оглед на тоа дека сега знаеме дека постои значаен ризик од смртен исход по нешто што би го сметале за нерепознаена компликација од КОВИД-19, мора да бидеме уште повнимателни во настојувањето да го спречиме бројот на тешки форми на КОВИД-19“, вели проф. Мејнес.
“Да ризикувате тешка инфекција и да се надевате на успешно лекување и ислекување по хоспитализација? Се чини дека тоа не е крајната, ниту компелтната слика на негативниот исход на инфекција со коронавирусот. Во овој момент, наша препорака – искористете ги превентивните мерки, меѓу кои е и вакцинацијата, па ќе спречите и развој на тешки форми на КОВИД-19“.
