СМРТОНОСНИ КОМПЛИКАЦИИ: Хоспитализираните пациенти со КОВИД-19 се соочуваат со мозочен удар, крварење и воспаление на мозокот

Прегледите со магнетна резонанца (МР) и компјутерска томографија (КТ) потврдиле абнормалности на централниот нервен систем, кои најверојатно биле поврзани со вирусот, кај десет проценти од тие пациенти, со вкупна зачестеност од 1,2 проценти.

Околу еден процент од пациентите хоспитализирани со КОВИД-19 веројатно ќе имаат компликации на централниот нервен систем, информираа научниците на годишниот состанок на Радиолошкото здружение на Северна Америка.

Меѓу 38.000 пациенти хоспитализирани со КОВИД-19 во САД и во Европа, симптомите ги натерало научниците да се посомневаат на компликации на мозокот кај околу 11 проценти од пациентите.

Прегледите со магнетна резонанца (МР) и компјутерска томографија (КТ) потврдиле абнормалности на централниот нервен систем, кои најверојатно биле поврзани со вирусот, кај десет проценти од тие пациенти, со вкупна зачестеност од 1,2 проценти.

Најчестиот наод бил мозочен удар поради запушување на артериите, но научниците откриле и крварење во мозокот, воспаление на мозокот и други потенцијално смртоносни компликации.

Водачот на студијата, д-р Скот Фаро од Универзитетот Томас Џеферсон во Филаделфија вели дека проблемите со белите дробови поврзани со КОВИД-19 се добро познати.

“Нашата студија покажува дека компликациите на централниот нервен систем претставуваат значајна причина за морбидитет и смртност во оваа погубна пандемија“, потенцира д-р Фаро.