Се покажало дека носењето маска е најефикасната заштита и дека ја намалува можноста за пренесување на вирусот за 53%.
Студијата на универзитетот Монаш во Австралија, објавена во списанието British Medical Journal, анализирала 72 претходни студии за ефикасноста на миењето раце, носењето маски и физичкото дистанцирање како дел од заштитатата од КОВИД-19.
Утврдено е и тоа дека миењето раце дополнително и во иста мера придонесува за спречување на ширење на вирусот. Маските сепак се здражале на прво место, бидејќи за миењето раце истражувачите немале толку стручни податоци од претходни студии, колку што сметале дека се неопходни.
Се покажало дека физичкото дистанцирање за 25% ги намалува шансите за пренесување на вирусот од една на друго лице.
Стдуијата ги опфатила и вакцините, за кои е констатирано дека во целост не спречуваат ширење на заразата, што всушност и беше јасно од почетокот, со оглед на тоа дека воопшто ефикасноста на вакцини поголема од 80 проценти се мсета за исклучително високо ниво на развој на имунитет кај вакцинираните лица.
За стекнување на колективен имунитет, во студијата се наведува дека, во голема мера зависи од стапката на вакцинираност на населението, но воедно и од истовремениот одговор на населението на епидемиолошките прилики, во делот на однесувањето, потоа од видот на примените вакцини, што е исто така јасно од претходно.
Претходно веќе се покажа дека одредни кинески вакцини покажале помало ниво на заштита. На крајот, студијата истакнува кои се приоритетните групи за вакцинирање, како и за постоењето на мутации на коронавирусот.
Заклучокот од истражувањето е дека мерките на физичко дистанцирање, задолжителна употреба на маска за лице и хигиената на рацете ќе останат дел јавноздравствениот систем за превенција од болеста се до развивање на колективен имунитет. Колективниот имунитет пак, директно зависи од уделот на вакцинирани во секоја одделна замја.
