И за да ги запишуваме задачите, пак може да се најдеме збунети, нурнати со носот во чантата: каде ли го оставив ливчето?
Се уште не е измислена магична пилула против заборавање, но постојат многу начини за подобрување на меморијата. Целосниот приод со долготраен резултат вклучува промена во начинот на живот – барем три пати неделно по половина час раздвижување плус балансирање на исхраната (повеќе риба, семиња и лешници богати со омега-3 и омега-6 масни киселини; овошје и зеленчук со висок содржина на витамини Ц и Е).
За и против музиката
Еден од проверените начини лесно да се запомни листата на задачи, неважно дали е кратка или подолга е таа да се испее. Како и да е, сите слушаме омилена песна – само треба да го смениме оригиналниот текст на она што не треба да го заборавиме. Ова не е случај со пуштањето музика за време на долгите часови поминати над учебниците. Од една страна, добрата музика го намалува стресот и вознемиреноста и, од друга страна, одвлекувањето на вниманието штети. Затоа се советува читањето и слушањето пред испити да се раздели. Ако навиката е веќе вкоренета, треба да се вклучат инструментални песни.
Смешни врски
Друга врвна техника за сигурно запомнување е создавањето на систем на врски. Добро е да бидат смешни или апсурдни. Да речеме дека сакате да купите кашкавал, свеќи и хартиени салфетки за роденден на вашиот пријател. Наместо да направите листа, за момент замислете ја следнава слика: Вашиот пријател ставил салфетка со точки во џебот на кошулата и дува свеќи на пита гауда.
Имагинацијата помага
Третиот брз начин се базира на „мисловна пајажина“. Започнува со замислување на клучен збор или слика на која додаваме поврзани идеи. Така на пример, ако вашата пријателка планира да се венча наскоро и ви замолува да и помогнете со организацијата, во центарот на „пајажината“ ќе е зборот „свадба“ или претсатава за две закачени алки. Од нив ќе пуштите разгранување кон авион (за да не заборавите да им резервирате две места до романтична дестинација) торта (за да ја нарачате навреме) и срце (што таа сака да има на поканите за свадбата). Ако тоа си го претставите веднаш нема да заборавите ниту една од задачите.
