Сусамот содржи и два посебни вида на растителни влакна – сесамин и сесамолин, кои докажано го снижуваат нивото на холестеролот во крвта. Сусамот е многу богат со фитостероли- супстанци кои по својот хемиски состав се слични на холестеролот- што оваа билка ја прави идеална за негово сузбивање.
Познато е и антикоагулативното дејство на ова благородно семе, бидејќи го спречува згрутчувањето на крвта, што е посебно значајно за превенција од појавата на тромб. Личностите кои спаѓаат во ризичната група, на кои им се заканува создавање на тромб, би требало да го користат сусамовото масло во секојдневната исхрана.
Сусамот има репутација на силен афродизијак. Во земјите во кои се одгледува, на база на овој зачин се приготвуваат напитоци за потенција.
Маслото од семките на сусамот покажува и исклучителни лаксативни својства, па се употребува и во случај на долготрајна констипација (запек) и нередовна столица, за елиминација на цревните паразите и чистење на цревата. Ова масло се користи и за лечење на хемороидите (проследени со крвавење и болки), како и за санирање на повредите и промените на кожата како што се брадавици, чиреви, акни и изгореници.
Препаратите од сусам многу ефикасно делуваат и на болестите на респираторните органи како бронхитисот, астмата, воспаленијата на белите дробови и хроничното кашлање. Во случај на силните мигрени и упорните главоболки проследени со вртоглавица, се препорачува држење на топли облоги од сусамово масло.
