Сушењето алишта во затворен простор го зголемува нивото на влага до 30 проценти. Ова во никој случај не е добро за здравјето на луѓето кои ја вдишуваат влагата и хемикалиите од детергентите и омекнувачите. Според некои истражувања, во воздухот може да се најдат и некои канцерогени хемикалии. Освен тоа, кај некои луѓе влагата во воздухот предизвикува главоболки и проблеми со дишењето, а може да има значајно влијание и врз астматичарите.
„Влажната средина го поттикнува развојот на мувла, која може да ги ослободи своите спори и да предизвика алергиски реакции кај некои луѓе. Спорите обично не се видливи за човечкото око. Во нормални ситуации, луѓето ќе кивнат или кашлаат ако ги вдишат, бидејќи нашиот имунитет на тој начин се бори со нив, но ако не сте чувствителни на мувла, можеби нема да имате реакција. Астматичарите кои се чувствителни на спорите може најмногу да страдаат во овие ситуации, бидејќи се влошуваат нивните симптоми“, вели Фина Кени од ирската Организација на астматичари.
Влажната средина го поттикнува развојот на мувла, која може да предизвика алергиски реакции кај некои луѓе
Ако ги сушите алиштата на радијаторот, ова покрај здравјето на вашите најблиски, ќе го наруши и протокот на топлина во домот, односно ќе ја намали ефикасноста на радијаторот, што ќе доведе до зголемување на греењето и поголеми сметки, како и проблеми со влагата.
Исто така, и самата влага која испарува го прави воздухот поладен, па ако термостатот е на иста температура, во домот ќе биде поладно од вообичаено. Чувствителната облека која се става мокра на радијаторите може да се оштети со пукање на еластинските влакна во неа.
Машина за сушење алишта е одличен избор доколку постојат финансиски и просторни можности за тоа.
