Освен што го разубавуваат просторот, собните растенија го прочистуваат и воздухот, ги елиминираат штетните гасови, чадот од цигари и ја намалуваат количината на алергени. Еве кои растенија влегуваат во најтесниот избор на природни филтри на воздухот.
Алое вера – украсна тропска билка, одлична за подигање на нивото на кислород во домот. апсорбира формалдехид, јаглероден диоксид и јаглероден моноксид
Зелен лилјан – е во состојба да врши фотосинтеза под минимално осветлување. Одлично ги апсорбира отровите од воздухот како формалдехид, јаглероден моноксид и бензен. Едно растение прочистува површина од 200 квадратни метри.
Бршлен – ова растение дефинитивно треба секој да го има дома. Бршленот отстранува 60 проценти од мувлата од воздухот и 58 проценти од честички од фекалии за само шест часа од поставување во просторијата.
Спатифилум или мирен лилјан – успешно ги отстранува хемиските отрови од воздухот. Ова куќно растение го филтрира бензенот од воздухот, како и формалдехидот и трихлоретиленот
Свекрвин јазик – идеално куќно растение, речиси неуништливо. Многу е отпорно и има потреба од малку светлина за фотосинтеза. Освен што ги отстранува отровите, одлично е за во спална соба, бидејќи произведува кислород и во текот на ноќта.
Фикус – особено е добар во чистење на воздухот од формалдехид. Многу е отпорен и не му треба многу светлина, лесен е за одржување. Но бидете внимателни ако имате мали деца или домашни миленици бидејќи лисјата може да бидат отровни.
Драцена – и годи светлина, но не трпи директна изложеност на сонце. Не држете јa на провев бидејќи брзо ќе останете без поголемиот дел од лисјата. Драцената е незаменлив прочистувач на воздухот бидејќи ја намалува концентрацијата на формалдехид, испарливи материи од средства за чистење, лакови, разредувачи, спрејови и дезодоранси.
Кактус – лесно се одгледува и добро напредува, не бара светло ни посебна нега, па може да опстане и кај зафатени луѓе. Кактусите ја намалуваат концентрацијата на испарливи органски материи и апсорбираат штетно електромагнетно зрачење.
