Освен потребата да менуваат влошки или тампони на секои неколку часа, симптомите кои ги чувствуваат жените се и замор, поспаност, грчеви и бодежи во пределот на јајниците, а се јавува и желба за слатко и емотивна раздразливост.
Просечното времетраење на циклусот е два до седум дена, а варира од жена до жена затоа што некои имаат повеќе среќа, па циклусите им траат кратко, додека кај некои траат и до седум дена. Секоја од нас (жените) има различен хормонски состав, а на должината влијаат различни фактори. Ова се само некои од нив:
Тежина
Неколку килограми вишок можат да доведат до производство на дополнителен тестостерон кој ја спречува овулацијата, го скратува периодот на траење на циклусот или доведува до негов изостанок. Наглото слабеење и губењето на сало може, исто така, да доведе до изостанок на циклусот.
Исхрана и вежбање
Неопходно е да ја одржувате телесната тежина во нормала за циклусот да ви е редовен. Наглото зголемување на физичката активност или подложувањето на строга диета може да ви го скрати циклусот. Тоа му отежнува на телото да го држи нивото на хормони под контрола.
Пушење и алкохол
Преголемиот број на цигари може да влијае на промените на нивото на естроген, прогестерон и други хормони поврзани со менструацијата. Алкохолот, исто така, може да доведе до промени на нивото на хормони до таа мера за циклусот да се смени.
Возраста
Со годините се менува и должината на траење на циклусот, особено кај постарите жени кои се се поблиску до менопаузата. Тинејџерките имаат проблем додека да им се среди циклусот и не стане редовен.
Општата здравствена состојба
Некои здравствени проблеми како синдромот на полицистични јајници или пореметувања во работата на тироидната жлезда како што се хипотироизам и хипертироизам, влијаат на менструалниот циклус. Доколку забележите некои од овие симптоми појдете кај вашиот лекар.
