Секој месец жените трпат болка, надуеност и куп емоции кои тешко се скротуваат. Менструалниот циклус е тежок сам по себе, а ’оние денови’ се и неподносливи. Прочитајте ги советите во продолжение може да помогнат:
Не јадете солена храна
За време на менструацијата многу жени задржуваат вода, па затоа е подобро дополнително да се избегнува сол. Со оглед на тоа дека солената храна го дехидрира телото, тоа го надоместува ова задржувајќи водата. Но ако веќе работата е завршена, тогаш треба да се пие многу вода за да се измие вишокот сол од телото.
Не консумирајте кофеин
Верувале или не, кофеинот може да влијае градите да станат чувствителни за време на менструацијата, а освен тоа кофеинот во мозокот блокира еден невротрансмитер што резултира со забрзана работа на срцето, анксиозност и зголемени симптоми на ПМС.
Не заборавајте на заштитата
Освен што технички може да се случи бременост, во тој период жените се почувствителни и на полови болести, особено на оние кои се пренесуваат преку крвта.
Не користете интимна козметика со парфеми
Парфемите во производите за нега можат да бидат причина за вагиналната иритација, затоа е и најдобро да се избегнуваат.
Не чекајте долго за да се напиете лек против болки
Ако имате силни болки испијте апче на време. На тој начин ќе ги спречите и грчевите, а и во спротивно (ако задоцните) болката подолго ќе трае.
Не седете по цел ден
Иако многу жени одбегнуваат да вежбаат додека имаат менструација, всушност се препорачува движење. Растот на ендорфин во телото може да помогне во намалувањето на грчевите и променливото расположение.
Не заборавајте често да ги менувате влошките/тампоните
Тоа е основен дел од добрата хигиена. Тампоните треба да се менуваат на секои 4 до 6 часа за да се избегне синдромот на токсичен шок, влошките на секои 3 до 4 часа, а чашката може да се чува до 12 часа.
