Куркума
Најдобра е за: болки во стомакот, синдром на иритабилно црево и депресија
Како делува? Ова е зачин кој секое јадење го бои во убава жолта боја. Главната состојка е куркумин, кој има антивоспалителни својства. Во една студија се покажало дека куркуминот ја потиснува болката во пределот на желудникот подеднакво добро како и ибупрофенот. Друга студија покажала дека ги намалува симптомите на синдром на иритабилно црево и воспаление за 50 отсто, а се покажала ефикасна и во борбата против депресијата.
Како се употребува: Додадете пола лажичка од овој зачин во храната секој ден, особено со јадења, кои содржат масти и црн пипер, бидејќи овие состојки ја поттикнуваат нејзината апсорпција.
Бидете внимателни: Ако имате дијабетес, разговарајте со вашиот лекар пред да ја ставите куркумата на менито. Во комбинација со лекови за дијабетес куркумата може да го спушти шеќерот на многу ниско ниво.
Црн пипер
Најдобар е за: болки во желудникот, проблеми со дигестијата, па дури и артритис
Како делува? Црниот пипер е природен лек кој се користи во кинеската медицина стотици години. Содржи пиперин, кој се смета за аналгетик, а, исто така, ја зголемува и апсорпцијата на хранливи материи во телото.
Како се зема? Додадете свежо мелен црн пипер на вашиот ручек или вечера.
Бидете внимателни: Пиперинот може да го забави разградувањето на одредени лекови за срцеви заболувања и проблеми со епилепсија, па секако поразговарајте со вашиот лекар ако планирате да земате поголема количина на црн пипер.
Нане
Најдобро е за: гастритис и опуштање на грчевите во цревата
Како делува: Еден напис објавен во списанието „Journal of Gastroenterology“ од 2014 година покажал дека нането е одличен лек за грчеви и болки во стомакот, бидејќи содржи ментол и ментон, кои природно опуштат.
Како се зема? Една кафена лажичка сушено нане во листови полијте со 200 милилитри топла вода. Нека отстпи 10 минути, процедете и пијте го овој чај три пати на ден помеѓу оброците.
Бидете внимателни: Нането може да ги влоши симптомите на жолчни каменчиња и симптомите на луѓето кои страдаат од гастроезофагеална рефлуксна болест (ГЕРБ), па поразговарајте со вашиот лекар доколку имате вакви тегоби.
