Траума или интензивен стрес можат да го зголемат ризикот од развој на автоимуни болести, е заклучокот од новата студија во која учествувале повеќе од 1,1 милиони испитаници.
Резултатите покажале дека стресот го зголемува ризикот од развој на 41 автоимуно заболување како што се ревматоиден артритис, псоријаза, целијакија и Кронова болест, за 36 проценти.
Луѓето кои страдаат од тешки емоционални реакции после траума или други животни стресови, би требало да побараат медицинска помош поради ризикот од хроничност на овие симптоми, а со тоа и понатамошен ризик од влошување на здравјето во вид на автоимуна болест
Не е јасно што ја предизвикува автоимуната болест, но се знае дека овие болести имаат тенденција на појавување во одредени семејства. Инаку, статистиката вели дека автоимуните болести се почести кај жените.
Без оглед на причината, јасно е дека треба да се посвети поголемо внимание на намалување на траумата и другите причини за состојба на стрес, како и за подобрување на лекувањето на овие состојби, пишува „Јама“.
