Ново истражување на Универзитетот Бригам Јанг утврдило дека трчањето го ублажува влијанието на хроничниот стрес на хипокампусот – дел од мозокот задолжен за учење и за помнење.
Повеќето луѓе би се сложиле со тврдењето дека физичката активност помага да се изборат со стресот. Ова истражување утврдило дека вежбањето, а особено трчањето, кај лицата кои се под стрес помага да се заштити помнењето. Ова истражување спроведено на експериментални животни утврдило дека во ако во текот на стресот физички се вежба невронските врски не слабеат, туку остануваат нормални.
Во студијата две групи на глувци во период од четири недели биле изложувани на стресни состојби: пливање во ладна вода или одење по висока платформа. При тоа, едната група била оставена да седи, додека другата трчала во тркало околу пет километри дневно. Реакциите на мозокот по изложувањето на стрес биле мерени со електрофизиолошки реакции. Се испоставило дека поврзувањето на невроните било подобро кај глувците кои секојдневно трчале.
„Вежбањето е едноставен и евтин начин да се елиминира негативното влијание на хроничниот стрес на помнењето“, изјавил проф.д-р Џе Едвардс, лидер на истражувањето.
