Веројатно, не сте бремени и немате воспаление на мочниот меур, но повторно секое утро сте практично „залепени“ за тоалетната школка и, ви се чини, како да не можете да престанете да мокрите. „Women’s Health“ објаснува зошто е тоа така и зошто не треба да се грижите.
Во текот на ноќта вашите бубрези филтрираат помалку урина од вообичаено, додека вашиот мочен меур се опушта и може да собере поголема количина на урина.
Утринското кафе никако не и помага на оваа состојба, бидејќи само по себе е силен диуретик
Исто така, хормонот вазопресин или антидиуретскиот хормон (ADH) ги насочува клетките да ја задржуваат водата, што предизвикува утрински перипетии со мокрењето.
Кафето никако не и помага на оваа состојба, бидејќи само по себе е силен диуретик, а ако тоа ви е, како и на многумина, прв утрински пијалак, тогаш не е ни чудо што почесто ќе го посетувате тоалетот.
На што треба да внимавате
Да сублимираме, утринските посети на тоалетот се сосема нормални, но она кое треба да ве замисли е доколку тоа ви се случува преку целиот ден. Во тој случај задолжително посетете доктор доколку имате чести проблеми со мокрењето, бидејќи може да се работи за инфекција на уринарниот тракт (особено ако забележите болка или пецкање додека мокрите) или, пак, имате прекумерно активен мочен меур.
Помали се шансите, но сепак постојат, да се работи за дијабетес, кој како еден од главните симптоми го има честото мокрење, а речиси секогаш го следи и постојана жед и сува уста.
Последната опција е да се работи за фиброми, бенигни израстоци составени од фиброзно и сврзно ткиво кои се манифестираат преку чувство на притисок во долниот дел на стомакот или обилни менструации.
