Треморот може да го зафати секој дел од телото, но најчесто се манифестира како тресење на рацете. Називот за тоа е есенцијален (физиолошки) тремор кој за последица има тресење на рацете. Може да се појави во рацете, нозете, главата, јазикот, вилицата и гркланот. Тие нормални вибрации понекогаш може да се влошат, најчесто од пиење премногу кафиња или кога сте изложени на хроничен стрес. Прескокнување на оброците или земање на одредени лекови може, исто така, да придонесат за тресење на рацете.
Треморот е неволно, ритимично и променливо движење на меѓусебно неповрзани групи на мускули. Тресењето на рацете може да биде брзо или бавно, со фини или груби движења и може да се најви независно од положбата на телото. Треморот во мирување е најизразен кога телото е опуштено, а се намалува кога ќе дојде до физичка активност. Треморот во одредена положба е најмногу изразен кога некој дел од телото е во фиксирана положба против силата на тежата – на пример, кога имате испружени раце пред себе. Интенцијалниот тремор се изразува кога се обидувате да направите некое движење како што е допирањето на носот со прстите на раката.
Ова заболување е безопасно, но за некого фрустирачко и може да се појави во 40-тите или 50- тите години од животот. Околу половина луѓе кои патат од ова пореметување имале член од семејството кој претходно имал ваков проблем. Одредени лекови може да помогнат, но голем број на луѓе се чувствуваат сосема добро и без нив. Ретко треморот може да биде знак на невролошко пореметување, како што е Паркинсоновата болест или мултиплекс склероза.
