Семките од тиква се вистинска суперхрана со оглед на тоа дека изобилуваат со протеини, растителни влакна, минерали и витамини. Доколку меѓу оброците како ужина изедете 30 г семки од тиква ќе внесете дури: 7,4 г протеини; 1,3 г влакна; 4,5 мг железо, 160 мг магнезиум; 240 мг калиум и 2,2 мг цинк. Оваа ужина инаку има 160 калории.
Семките од тиква содржат и аминокиселина триптофан, која учествува во создавањето серотонин и мелатонин. Серотонинот поволно влијае на расположението и квалитетот на сон, додека мелатонинот го регулира циклусот на спиење и будна состојба.
Овие семки имаат дури и антинфламаторни својства – една студија покажала дека ефикасноста на маслото од семки од тиква во лекувањето на артритисот може да се спореди со делотворноста на некои антинфламаторни лекови, со тоа што употребата на ова масло не носи несакани ефекти.
Како што веќе спомнеавме, семките од тиква претставуваат и добар извор на магнезиум (160 мг на 30 г семки). Овој минерал го поддржува кардиоваскуларното здравје, здравјето на нервниот, како коскено-мускулниот систем.
