Царскиот рез во последниве неколку години бележи значителен пораст. Колку е тоа добро, што всушност е царски рез, како се прави, кои се ризиците и за мајката и за детето, колку трае опоравувањето, објаснува една од најпознатите гинеколози во Хрватска, д-р Ивана Пентз.
Царскиот рез е најстара операција од подрачјето на абдоминалната хирургија, а подразбира рачно вадење на бебето од матката која претходно е отворена со рез низ абдоминалниот ѕид.
Апсолутни и релевантни индикации
Индикациите за овој зафат може да бидат апсолутни и релативни. Апсолутни индикации за царски рез, се сите оние состојби кои животно ги загрозуваат и мајката и детето, а вагиналното породување е невозможно поради ниска постелка која го поминува влезот на матката, привремено одлепување на постелката или попречна положба на детето. Релативни индикации се оние при кои вагиналното породување е можно, но поради професионалното знаење и клиничката пракса подобро би било да се направи царски рез. Во релативни индикации се вбројуваат: претходни операции на матката, став кај прворотката, ХПВ инфекција или херпес за време на бременоста.
Опоравувањето по оваа операција е индивидуално, а обично таре од едена до три недели. Операцијата трае од 20 до 40 минути.
Ризици за мајката
Вклучуваат постоперативни компликации како инфекција на матката, и уринарни инфекции кои се јавуваат во 20 до 40% од случаите. Поретки се сериозни компликации како апцес, сепса или карлична тромбоемболија. Мајките кои родиле со царски рез имаат за шест пати поголем ризик од постпородилна депресија, и со тоа помалку е веројатно дека ќе го дојат детето.
Ризици за бебето
Контракциите дополнително стимулираат некои органи и хормонскиот состав на бебето, како што се штитната жлезда, надбубрежните жлезди, бубрезите, белите дробови, цревата и имуниот систем. Во случај на царски рез ове придобивни може да изостанат.
Еднаш царски рез, не значи секогаш царски рез
Опоравувањето по оваа операција е индивидуално, а најчесто трае од една до три недели. Жените кои еднаш имале царски рез, не значи дека такво искуство ќе имаат и во наредните бремености. По претходен царски рез можно е вагинално породување, но со зголемено внимание пред крај на бременоста, како и за време на самото породување. Исто така, по царскиот, наредната бременост (породување) треба да се планира дури после две години.
