Бројот на жени кои родиле со помош на царски рез, речиси се дуплирал во светот од 2000 година до денес. На овој тип на породување, отпаѓаат околу 21% од сите породувања, покажува новото истражување.
Оваа бројка е двојно поголема од медицински потребниот царски рез, чија проценка е дека треба да изнесува од 10 до 15% од породувањата.
Во случај на компликации, царскиот рез може да го спаси животот и на мајката и на детето. Но, треба да се истакне дека операцијата не е без ризик, и е поврзана со потешкотии при идни породувања.
Огромното зголемување на примената на царскиот рез забележано е особено во богатите земји за немедицински цели.
Инаку, некои жени одбираат породување со царски рез бидејќи овој начин им овозможува да избегнат болки и несигурност како при природното породување.
Треба да се напомене дека царскиот рез е медицински неопходен кога се развиваат компликации, како што се крварење, висок крвен притисок или кога детето е во абнормална положба во матката.
