Вакцина која цели на имуниот систем со намера да го спречи воспалението што се јавува кога луѓето со целијакија консумираат глутен поминува низ втора фаза на испитување.
Почетните пробни фази во 2011 година утврдија дека станува збор за сигурна вакцина, а конечното истражување ќе започне во Мелбурн и во неколку други градови во Австралија. Според најавите, планирано е да се изведе студија врз вкупно 150 пациенти од САД, Нов Зеланд и Австралија, на кои целосно ќе се истражи ефектот на вакцината.
Целијакијата е автоимуна болест а глутенот е непријател за лицата што ја имаат. Протеините што се наоѓаат во јачменот, ржта, му штетат на тенкото црево и доведуваат до тешко гастроинтерстинални проблеми, како болки во стомакот и пролив. Во моментов непостои лек за целијакија, освен целосно воздржување од глутен, што емногу тешко, бидејќи тој, освен во очигледните намирници, се крие и во многу други во секојдневната исхрана.
„Вакцината е дизајнирана така да таргетира 90% од болните со целијакија со генетска форма на болеста HLA – DQ2„ објаснува Џејсон Дин, гастроентеролог вклучен во истражувањето.
Но, вакцината нема да биде инстант лек за болните со целијакија. Таа ќе им помогне на овие пациенти полека да создадат имунитет во однос на протеините во глутенот и да ги елиминираат сите негативни нуспојави.
