Неодоливите цреши содржат витамини А, Б и Ц, биофлавоноиди, елегична киселина, антоцијанин и мелатонин – состојки кои помагаат во борбата против ракот, во превенцијата од срцеви болести, ги ублажуваат болките предизвикани од артритис, главолка, како и симптомите поврзани со фибромијалгија.
Свежите цреши се добри за отстранување на физичката и умствената исцрпеност, па затоа јадете ги додека сте на работа и како меѓуоброк. Според научните истражувања, флавоноидот кој може да се најде во црешите (кверцетин) има антиканцерогени својства и помага во спречувањето срцеви болести. Црешите во нутриционистичка смисла се сметаат за важен извор на кверцетин затоа што содржат големи количества по оброк.
Антоцијанините кои се наоѓаат во црешите ги блокираат воспалителните ензими и ги намалуваат болките. 20 цреши се десет пати поделотворни од аспирин и имаат позитивно влијание при гихт и болки од артритис. Се сметаат за одличен извор на бор што во комбинација со калциумот и магнезиумот исклучително поволно делува на здравјето на коските.
