Време е за цреши: Сојузници на здравјето, борци против слободните радикали

Во атрактивните слатки плодови се кријат корисни состојки, кои на многу начини придонесуваат за здравјето и убавината

Црешата (Prunus avium L.) е листопадно овошје кое припаѓа на семејството Rosaceae, род Prunus.
Во атрактивните слатки плодови се кријат корисни состојки, кои на многу начини придонесуваат за здравјето и убавината.

Црешите се одличен извор на витамини А, B1, B2, B3, Б6, Ц и К и минерали калиум, калциум, железо, бакар, манган, магнезиум, фосфор и цинк. Содржат прехранбени влакна, целулоза, пектин, органски киселини (јаболкова, лимонска, винска) и нешто протеини и јаглехидрати.

Црешите се одличен диуретик

Поради изобилството на антиоксиданти, црешите се одлични борци против слободните радикали, кои со своето делување му предизвикуваат повеќекратна штета на човечкиот организам.

Особено се богати со антоцијанини и проантоцијанини.

Овие антиоксиданти се одлични сојузници во борбата против симптомите на астма и алергии, а познати се и како моќни природни антиинфламаторни средства.

Црешите го стимулираат производството на колаген – протеин кој е од суштинско значење за здравјето на кожата, коските и сврзното ткиво

Истражувањето спроведено на американскиот универзитет во Вермонт покажало дека антоцијанините ефикасно го ублажуваат воспалението на мускулите и грчевите во нозете.

Штитат од рак

Плодовите на црешите се богати со лутеин, зеаксантин и бета каротен – соединенија кои се познати како „чистачи“ на слободните радикали, кои се потврдени предизвикувачи на рак.

  • Во нив, исто така, е обилно присутен и кверцетин, растителен пигмент од флавоноидната група.

Ако се има предвид фактот дека кверцетинот е содржан во медот, јаболката и лукот – намирници кои се наоѓаат на самиот врв на најздравите видови храна, тогаш оправдано и црешите може да ги сметаме како овошје со непроценлива вредност.

Го чуваат срцето и крвните садови

Калиумот во црешите значително придонесува за здравјето на срцето.
Истражувањата покажале дека консумацијата на храна богата со овој минерал може да биде корисна во регулирањето на крвниот притисок, срцевиот ритам и електричната активност во срцето.

Помагаат при воспаленија

Црешите се познати по нивната способност да го ублажат воспалението.
Истражувачите од Државниот универзитет во Мичиген откриле дека антоцијанините, соединенија што им даваат на црешите црвена боја, имаат силен антивоспалителен ефект.

Студијата покажала дека овие соединенија имаат способност да ги инхибираат ензимите кои играат клучна улога во производството на простагландини, кои учествуваат во воспалението.

Калиумот во црешите значително придонесува за здравјето на срцето

Студијата на Универзитетот Калифорнија во Дејвис покажала дека редовната консумација на цреши во рок од 28 дена довела до намалување на биохемиските знаци на воспаление во крвта.

Во заклучокот било констатирано дека консумирањето цреши може да помогне против хронични болести како што се гихт, артритис, фибромијалгија (болна состојба на мускулите), спортски повреди и многу слични здравствени проблеми.

Ги чисти бубрезите и уринарните канали

Црешите се одличен диуретик, што значи дека го стимулираат излачувањето на урина.

Освен плодовите во народната медицина со векови се користат и дршките на црешите.

Од нив се подготвуваат чаеви кои се употребаат за растворање на камења во бубрезите, чистење на уринарните патишта, за појачано излачување на урина, како и за воспаление на бубрезите и уринарните канали.