Некаде околу 15 часот или во периодот после ручекот често ви се случува да се сретнете со пад на енергијата. Енергијата оди на варење на ручекот или, пак, по „наплата“ доаѓа недостатокот од сон од претходната ноќ. Има решение!
Не посегнувајте по кафе, туку изедете неколку коцки црно чоколадо, по можност она со повеќе од 70 % какао. Колку процентот на какао во чоколадото е поголем, тоа содржи повеќе антиоксиданти и помалку шеќери. Чоколадото поволно делува и на расположението затоа што истовремено содржи и кофеин кој буди и дополнително ја поттикнува концентрацијата.
