Умереното консумирање темно чоколадо значително го намалува ризикот од депресија, заклучила група британски научници. Стручњаците од Универзитетот во Лондон спровеле анкета во која учествувале повеќе од 13 000 луѓе. Тие се фокусирале на утврдувањето на односот меѓу консумирањето чоколадо и појавата на депресија. На волонтерите им биле поставувани прашања за количеството и видовите слатки кои ги јадат и нивната емотивна состојба. Научниците ги зеле предвид и факторите, како што се нивото на физичка активност и присутноста на лошите навики, особено пушењето. Резултатите покажале дека љубителите на темно чоколадо значително помалку се склони на депресија од оние кои воопшто не го јадат. Испитаниците кои два дена консумирале темно, горчливо чоколадо имале за 70 отсто помали знаци на таа болест. Освен тоа кај четвртина од учесниците во анкетата кои редовно јаделе од 104 до 454 грама од овој деликатес, веројатноста за развој на депресија се намалила за 58 отсто во споредба со оние кои не го вклучиле чоколадото во својата исхрана. Научниците нагласуваат дека таков учинок има само чоколадото со висок процент на какао.
Постојат низа механизми со кои чоколадото може да ја спречи појавата на депресија или да ги намали нејзините симптоми, напоменуваат истражувачите. Велат дека тајната е во тоа што горчливото чоколадо содржи посебни состојки кои имаат одредено влијание на човековата психа.
„Чоколадото содржи бројни психоактивни супстанци вклучително и оние слични на анандамидот, невротрансмитер кој го блокира чувството на болка, како и неколку ендогени биогени амини, кои вклучуваат фенилетиламин, кој, пак, има важна улога во регулирањето на расположението“, заклучуваат научниците.
Дотоколку повеќе темното чоколадо е богато со антиоксиданти кои ги намалуваат воспаленијата во телото, а чија присутност, според зборовите на стручњаците, исто така, еднакво е поврзана со појавата на стрес и чувството на тежина.
Претходно полски научници откриле дека темното чоколадо е богат извор на магнезиум, цинк и други важни елементи во траги.
