Љубителите на вино знаат кое вино најмногу им одговара – црно или бело, а изборот често се темели на индивидуалниот вкус. Но, доколку внимавате на своето здравје и намирниците кои ги внесувате во организмот, тогаш треба да размислите за нутритивните вредности на виното. Кое вино е поздраво, црвеното или белото?
Што се содржи виното?
Главната состојка на белото вино е белото грозје без семки и кожа. Повеќето бели вина имаат сладок вкус, но, се разбира, тоа зависи од сортата на грозјето.
Црвеното вино е направено од темноцрвено грозје, а разликата е во тоа што се користат и семките и кожата, кои на виното му даваат и вкус и боја, и се причина зошто црвеното вино има појак вкус.
Здравствени придобивки од црвено и бело вино
Црвеното и белото вино се добри за здравјето, но иако се направени од грозје не ги содржат сите негови придобивки. По ферментацијата, грозјето ги губи нутритивните својства, но, исто така, добива и нови. Една од најголемите придобивки на белото вино е што е одлично за опуштање и проблеми со нервите. Покрај тоа, го промовира и здравјето на белите дробови.
Црвеното вино ги има истите својства, но може да придонесе за вашето здравје на уште многу начини. Богато е со флавоноиди кои се моќни антиоксиданти и му помагаат на телото да се бори против алергиите, вирусите и канцерогените клетки. Според истражувањата, најмногу антиоксиданти содржат црвените вина како Pinot Noir и Cabernet Sauvignon. Другите вина, како што е Merlot, содржат нешто помалку флавоноиди, но сепак повеќе од белите вина.
Црвено вино е добро и за срцето, бидејќи го опушта кардиоваскуларниот систем. Како и во сите други работи, и во пиењето вино умереноста е најважна, па доволна е една чаша за да се почувствуваат неговите здравствени придобивки. Кој ужива во мали количини на вино ужива и добра меморија, продуктивност, здраво ниво на шеќер во крвта и намалени шанси за развој на рак на дебелото црево.
