Капините се лековити комплетно: корен, листови, цвет и плод. Богата со органско железо, капината полека станува неопходна во исхраната на децата, бремените жени, доилките, луѓето во пубертет и климакс. Сокот од капини има стимулирачки ефект врз функцијата на црниот дроб.
Капините содржат биофлавоноиди, кои делуваат како силни антиоксиданти
Капините содржат многу малку јаглехидрати (6 %), 0,9 % протеини и 1 % масти со поголем процент на сува материја (20 %). Од минерали содржат калиум, калциум, фосфор, магнезиум и железо. Б1, Б2 и Ц се најзастапени меѓу витамините. Листовите содржат пектин, а додека се свежи имаат и значителна количина на витамин Ц.
Фенолните соединенија, кои ги содржат капините ја спречуваат оксидацијата на LDL холестеролот, ја одложуваат појавата на атеросклероза и спречуваат појава на болести на срцето и крвните садови.
Поради високата содржина на калиум, а низок натриум, капината е корисна за луѓе кои страдаат од хипертензија, бидејќи влијае на намалување на крвниот притисок
Галотанинот ги уништува бактериите, вклучувајќи ги и Escherichia coli и Salmonella enterica. Капината се користи за лекување на хемороиди и разни рани на кожата. Екстерно, се употребува како антисептик кај ангина, фарингитис, гингивитис, за кожни болести, за плакнење на устата…
Од плодовите најчесто се прави вино кое е богато со витамини и минерали и е ефикасно при третман на анемија, бидејќи го зголемува нивото на железо во крвта. Покрај крвта, капината го регулира крвниот притисок, циркулацијата, помага кај дигестивните проблеми, го зајакнува имунолошкиот систем и апетитот, го подобрува метаболизмот.
Лисјата на капината се природен лек против дијареа, а од нив се прави чај кој помага кај крвавење во стомакот и цревна инфламација, како и хронична иритација на слепото црево. Освен плодот на капината, кој се користи за правење вино, сокови, мармалад, во колачи, се употребува и листот на капината, од кој може да се направи чај.
Капините содржат биофлавоноиди, кои делуваат како силни антиоксиданти и го спречуваат создавањето на слободни радикали. Ја зголемуваат апсорпцијата на витамин Ц и помагаат во зачувување на колагенот.
