Секои три секунди едно лице умира од сепса, што значи дека оваа компликација од различни инфекции е одговорна за една петина од смртните случаи во светот.
Во 2016 година од сепса имало 19,4 заболени и 5,3 милиони починати во САД, Австралија, Шпанија, Германија, Шведска и во Нов Зеланд. Една година подоцна, бројките значајно се зголемиле: 48,9 милиони заболени и и 11 милиони починати во дури 195 земји. Иако оваа состојба е алармантна, стручњаците велат дека споредбено со 1990, кога имало 60,2 милиони заболени, во последните 30 години, бројките се намалени.
Според новите истражувања, сепсата зафаќа и деца и адолесценти во земјите со ниски примања. Само 15% од случаевите се евидентирани во земјите со висок стандард, како што се Велика Британија.
Стручњаците тврдат дека бројот на заболени и починати може да се зголеми ако не се пронајдат нови антибиотици кои ќе делуваат на бактериските инфекции.
“Докажавме дека појавата на сепса се намалува, но и натаму се преголеми разликите во бројот на заболени и починати низ земјите, Токму тие разлики се алармантни и требаат итна интервенција во истражувањата и пронаоѓањето на лекови“, потенцираат авторите на студијата.
Сепсата, која тешко се забележува, настанува кога телото слабо реагира на бактериската инфекција и го напаѓа сопственто ткиво и органи.
Симптомите се абнормално висока или ниска телесна температура, силно биење на срцето и забрзано дишење. Влошувањето доаѓа брзо, а ако сепсата не се открие навреме, може да доведе до затајување на органите и до смртност.
