Консумирањети на три мали проции млечни производи (дури и полномасни) дневно, може да го заштити лицето од срцеви болести и мозочен удар, односно да го намали ризикот од развој на кардиоваскуларни болести, покажуваат резултатите од најновото истражување на канадски научници.
Млечните производи како сирење и млеко се на лош глас поради заситените масти што ги содржат, но опсервациската студија на канадските научници покажала дека нивното умерено консумирање може да го заштити срцето.
Истражувањето е спроведено во земји со ниска и средна имотна состојба во кои млечните производи се консумираат помалку, изјави д-р Машид Дегхан од канадскиот Универзитет Мастер учесник на проектот.
Научниците во текот на девет години следеле 136 000 лица од 21 земја во светот, а откриле и дека ризикот за развој на мозочен удар е помал кај оние испитаници кои јаделе повеќе млечни производи. Тие потсетуваат дека стандардниот оброк содржи 220 грама млеко или јогурт, 15 грама сирење или една мала лажичка путер.
„Умерената количина млечни производи, односно нивна консумација три пати дневно може да го заштити, а не да му наштети на срцето. На сите кои во организмот внесуваат многу малку млечни производи им советуваме да го зголемат дневниот внес“, советува д-р Дегхан.
Таа вели дека млечните производи содржат и состојки кои се добри за организмот, како важни аминокиселини, незаситени масти, витамини К1 и К2, калциум, магнезиум и калиум и не треба да се избегнуваат. Загриженоста поради негативното влијание на млечните производи на здравјето произлегува од фактот што заситените масти го зголемуваат нивото на ЛДЛ (лошиот) холестерол кој се поврзува со болести на срцето.
