Д-р Грегори Кијале, уролог ги има одговорите за вас.
КОЛКУ ЧЕСТО ТРЕБА ДА СЕ ОДИ ВО ТОАЛЕТ?
Докторот наведува дека бројот на посети на тоалет зависи од навиките, но и големината на мочниот меур. Тој објаснува како мочниот меур може во себе да задржи до 800 мл течност кај мажите и до 600 кај жените. Обично ќе сигнализира дека треба да се испразни кога е на 50 проценти капацитет.
Ако одите во тоалет 12 пати на ден и немате никакви симптоми, како промена на бојата или мирисот, се е во ред и вашиот мочен меур е здрав, наведува лекарот.
Количината на течност што една личност ја пие се разликува од една до друга личност, така што одењето во тоалет 10 пати на ден се смета за нормално, во зависност од тоа колку течност сте испиле. Ако пиете 20 чаши вода, нормално е често да уринирате.
ВАЖНА Е БОЈАТА НА УРИНАТА
Промената на урината може да значи и дека нешто не е во ред во вашиот организам, па затоа е добро секојдневно да се следи дали се појавуваат некакви промени, односно тоа е еден од наједноставните самопрегледи кок можете да ги направите.
Промени може да настанат и поради бременост, како и поради прекумерно внесување на кофеин и никотин во организмот, а во овие случаи урината најчесто потемнува. Нормалната урина е светло жолта, односно златно жолта, а до неа доаѓа поради уробилиногенот, уринарен пигмент. Ако бојата на урината е посветла од вообичаеното, тоа значи дека дошло до разредување на урината, додека потемната боја укажува на поголема концентрација на урина, а ако урината е заматена, тоа значи дека сте внеле премалку течност во организмот. Бистра урина се појавува поради голем внес на течности, односно покажува дека сте добро хидрирани.
Доколку бојата на урината е чудна; кафеава, портокалова, зелена или црвена, може да биде знак за посериозен проблем, па затоа е неопходно веднаш да се посети лекар. На пример, како и со црвената боја на урината, темно кафеавата боја може да биде предизвикана и од некои видови храна, како што е гравот. Антибиотиците и лаксативите можат да ја предизвикаат оваа боја, како и дехидрацијата. Меѓутоа, кафеавата боја на урината може да биде и показател за посериозни здравствени проблеми, како што се проблеми со црниот дроб, бубрезите и мочниот меур. Кај оваа боја, прво обидете се да пиете повеќе течности за да ја исклучите можноста причината да е дехидрација, а ако не дојде до промена – посетете лекар или уролог за да утврдите во што е проблемот.
НЕ МОЖЕТЕ ДА ОДИТЕ ВО ТОАЛЕТ? ЕВЕ ШТО ДА ПРАВИТЕ
Доколку мислите дека ретко одите во тоалет во текот на денот, а оваа состојба се нарекува уринарна инконтиненција, лекарот советува да разговарате со лекар, доколку имате некакви симптоми, ќе се направат тестови за да се процени дали мочниот меур и уринарните канали работат како што треба.
Одредени намирници може да предизвика уринарна инконтиненција, а познати се како диуретици кои ќе го стимулираат производството на урина и ќе го зголемат волуменот. Тоа се обично зачини, шеќер или киселини. Може да бидат одговорни инфекции, менопауза, запек. За жал, тука се и рак на простата или некои други нарушувања кои можат да бидат одговорни. За овој проблем може да биде одговорно и воспалението на мочниот меур.
ЗОШТО ПОСТОЈАНО ВИ СЕ ПОВТОРУВА ВОСПАЛЕНИЕТО НА МОЧНИОТ МЕУР?
Воспаленијата на уринарниот тракт грубо може да се поделат на воспаленија на горните делови на уротрактот, односно бубрезите и уретерите, како и на долните, мочниот меур, простатата и уретрата, објаснува лекарот. Воспалението на горните делови обично е резултат на доаѓање на бактерии преку крвта. Имено, бубрезите ја филтрираат целата крв што циркулира низ телото. Тоа значи дека и сите бактерии кои влегле во организмот преку дигестивниот или респираторниот тракт, или преку рана на кожата, порано или подоцна ќе поминат низ бубрегот и може да предизвикаат воспаление. Секое влегување на бактериите не мора да значи воспаление.
Предиспонирачки фактори се камењата во бубрезите или пречки во слободната дренажа на урината од одредени делови на бубрегот. Друг начин на влегување на бактериите во бубрезите е влезниот пат преку урината, односно мочниот меур. Предиспонирачки фактор е постоењето на т.н рефлукс, односно некомпетентен механизам за затворање на влезот на уретерот во мочниот меур, кој треба да го спречи враќањето на урината. Воспаленија на долните делови, како и претходните, може да настанат со спуштање на бактерии преку урината од горните делови, со навлегување на бактерии во уретрата, а потоа во простатата и мочниот меур. Предиспонирачки фактор е нецелосното празнење на мочниот меур или присуството на камења во мочниот меур.
