Опојниот мирис на најпопуларниот напиток на светот и кофеинот, кој го содржи, се најдобар начин да го почнеме денот. Или сепак можеби не се?! Станување од кревет, одење до кујната, ставање кафе, пиење на првата голтка… – и дури потоа многумина од нас всушност почнуваат да се будат. Овој напиток со причина е еден од најпопуларните во светот, но треба да се знае времето и мерката за тој да делува во наша корист.
Зошто раното испивање кафе лошо влијае на жените?
Студијата обавена во дигиталното издание на библиотеката на Американскиот медицински национален институт покажала дека кафе на празен желудник, особено кај жените лошо влијае на здравјето. Заради природниот биолошки ритам, нивото на кортизол во телото е највисок наутро кога се будиме, а најнизок навечер пред легнување.
„Пиењето кафе рано наутро, кога нивото на кортизол е највисоко, ги ремети хормоните во организмот и го нарушува циркадискиот ритам. Кортизолот лошо делува на овулацијата, хормоналниот баланс и килограмите“, објаснува докторот и нутриционист Карлин Розенблум.
„Консумирањето кофеин кога нивото на кортизол е највисоко поттикнува засилено лачење кортизол. Иако засега не е објаснето зошто се случува ова, веруваме дека има врска влијанието на кафето на одредени витамини и минерали во телото“, заклучува доктор Розенблум и предупредува: „Кортизолот е како и сите останати хормони нужен за функционирање на организмот, но проблемот настанува кога сме постојано под стрес и кога телото постојано го лачи. Ова може да доведе до зголемено ниво на шеќер во крвта и до инсулинска резистенција.“
Освен што ќе поттикне дополнително лачење кортизол, кафето на празен желудник може да предизвика и дигестивни проблеми и да го зголеми нивото на желудочна киселина. Ако имате проблеми со желудникот, добро е да знаете дека ладното кафе е за 70 отсто помалку кисело од топлото.
Кога да се испие првото утринско кафе?
Ако станувате околу седум часот наутро, најдобро е првото кафе да го испиете меѓу 9: 30 часот и пладне, кога нивото на кортизол е природно ниско. Се разбира, важно е пред тоа и да јадете.
Со оглед на киселоста на кафето добро е да појадувате намирници богати со калциум како бадеми, јогурт или чија семе, кое ја неутрализира киселоста, советува доктор Розенблум. Ако пиете кафе во ова време, ќе го добиете потребниот елан и енергија.
