Дали знаете кое време од денот е најдобро за вежбање? Ако мислевте дека е сеедно, тогаш се лажете. Имено, да се одвои време за вежбање во текот на денот е многу тешко, па многумина ги користат вечерните часови за тренинг. Но тоа е погрешно, ако се има предвид неодамна спроведеното американско истражување кое покажува дека е најдобро да се вежба во утринските часови, а таквиот режим има повеќе бенефиции. Вежбањето наутро веднаш по будењето во раните утрински часови резултира со зголемување на бројот на невротрансмитери. Тие се повеќекратно корисни, го прават умот „поостар“, а сетилата се поактивни. Исто така, со раните утрински вежби се подобруваат когнитивните функции.
Од здравствен аспект, утринското вежбање го одржува телото активно во текот на целиот ден и помага полесно да се справите со стресот, додека вашите перформанси стануваат уште подобри
Бројни експерти тврдат дека телото наутро ги согорува мастите побрзо. Доколку јадете пред вежбањето, тоа ќе го забави процесот на согорување на масти. Освен за губење на прекумерната телесна тежина, утринското вежбање е ефикасно и за градење на мускулната маса.
