Теретаните се полни со бактерии – еве како да се заштитите

Никогаш немојте да одите боси во соблекувалната, ако не сакате да соберете некоја габична инфекција

Не е никаква тајна дека теретаните се полни со бактерии кои можат да доведат до разни инфекции. Притоа не мислиме само на соблекувалните или лентите за трчање, туку и на душеците, теговите и другата опрема во салата за вежбање.

Вежбањето е совршена активност за вашето здравје, па никако не ни паѓа на ум да ви препорачаме да се откажете. Наместо тоа, еве како да се заштитите од бактериите кои ве демнат од секој агол на салата.

Пред да почнете да вежбате – измијте ги рацете, а истото задолжително повторете го и кога ќе завршите, веднаш после одработениот тренинг, особено ако се туширате дома

Бришете ги справите

Секоја подобра теретана има средства за дезинфекција во секој агол и тие дефинитивно не се ставени таму без причина. Значи, пред и после користење на која било справа, избришете ги справите со помош на хартиена крпа и средство за дезинфекција.

Избришете ги справите пред и после користење
Избегнувајте да го допирате лицето

Иако е тешко да не го допирате лицето за време на вежбањето, научете се да се контролирате за да го одбегнете пренесувањето на бактерии од справите и реквизитите до ранливите места како што се очите и носот. Користете крпи за бришење и косата секогаш држете ја врзана во опавче и подалеку од лицето.

Носете влечки во соблекувална

Никогаш немојте да одите боси во соблекувалната, ако не сакате да соберете некоја габична инфекција.

Ја носите, па веднаш ја перете облеката

Потта е плодно тло за бактерии. Затоа кога ќе се вратите дома облеката од тренинг ставете ја во кошницата со остатокот од облеката подготвена за перење, бидејќи дури и ако мислите дека не сте се испотиле премногу, бактериите се таму. Исто така, можете претходно да ја ставите во кеса и неколку минути да ја оставите да постои во фрижидер, па на перење.