“Ако вашите бубрези, црн дроб и бели дробови работат како што треба, сè е во ред“, вели д-р Кетрин Зертаски, нутриционист во клиниката Мајо. Таа нуди пет начини како лесно можете на црниот дроб и белите дробови да им покажете малку љубов за да бидете сигурни дека ќе продолжат да функционираат беспрекорно.
Но, ако во последно време јадете премногу, за почеток е потребно да прекинете и да ги намалите оброците, да ги поделите на неколку помали порции и да го намалите внесот на рафинирана храна богата со вишок маснотии и калории, како колачи, масни и солени печења, како и калорични салати со преливи и додатоци како павлака и мајонез.
ВОДА – МНОГУ ВОДА…
Водата е важна за функционирањето на целиот организам, а особено е важна за здравјето на бубрезите. Лекарката наведува дека ќе им помогне на бубрезите да се ослободат од отпадот од крвта. Како што телото ги излачува овие отпадоци и вишок течност во форма на урина која ќе помине низ бубрезите пред да го напушти телото. Водата исто така ќе им помогне на артериите оолесни низ нив да помине крвта до бубрезите, а таа обезбедува кислород и хранливи материи кои помагаат во функционирањето на бубрезите. Дехидрацијата секако ќе го забави целиот процес.
Во просек, на организмор му се потребни околу 3 часа за да ја свари водата што ја пиете до мочниот меур.
ЈАДЕТЕ НАМИРНИЦИ БОГАТИ СО НУТРИЕНТИ
Она што го јадете има големо влијание врз здравјето на вашиот црн дроб, кој воедно е и единствениот орган што може сам да се регенерира, објаснува нутриционистката Кристина Линденмајер. Ако имате било каква инфекција или повреда на црниот дроб, тој може да се опорави самостојно ако се храните правилно и здраво. Експертите советуваат медитеранска исхрана која ги содржи сите потребни намирници, малку месо, многу риба и јаткасти плодови, маслиново масло и многу помалку шеќер и додадени шеќери.
ОДРЖУВАЈТЕ ЗДРАВА ТЕЛЕСНА ТЕЖИНА
Премногу маснотии може да го оштети здравјето на црниот дроб, а како што се зголемува бројот на обезни лица во светот, се зголемува и бројот на заболени кои страдаат од неалкохолна болест на црниот дроб, а се чини дека ќе стане многу почеста од хепатитисот Ц за 30 години.
СПИЈТЕ
Квалитетниот сон е важен дел од чистењето на организмот, а треба да спиете најмалку 7 часа на ден за да го заштитите здравјето на црниот дроб. Луѓето кои лошо спијат ноќе и често одмараат во текот на денот имаат најголем ризик да развијат болест на замастен црн дроб. Во Кина е спроведено едно истражување кое покажало дека квалитетниот сон е поврзан со 29 отсто помали шанси за развој на проблем со замастен црн дроб.
ВЕЖБАЊЕ
Иако е последено на листата, секако не е помалку важно. Вежбањето е онок икс-фактор кој всушност ќе ја направи целата детоксикација успешна или не. Исто така, треба да се има предвид дека вежбањето е составен дел од здравиот живот и дека позитивно ќе влијае на целокупното здравје на организмот. Доколку не сте во некоја завидна форма, почнете со пешачење или научете ги сите придобивки што може да ви ги даде јогата! Може да бидете изненадени.
