На самиот почеток на пандемијата, опоравувањето од инфекција со коронавирус беше причина за оптимизам, ако сте се опоравиле, сте имале некакво ниво на имунитет. Како поминуваше времето, се покажа дека имунитетот се губи. Што да очекувате по опоравувањето?
Некои имаа повторна инфекција или реинфекција, а некои се прашуваат каква заштита нуди вакцинацијата, но со тоа и прележаната инфекција. Еве што велат стручњаците.
ШТО ИНФЕКЦИЈАТА ЗНАЧИ ЗА ИМУНИТЕТОТ?
Имунитетот се дефинира како можност на телото да ве штити од вируси кога сте изложени на бактерии или вируси. Во зависност од видот на инфекцијата, ваквата заштита може да трае со месеци, години, па и до крајот на животот. Но, кога е во прашање КОВИД-19, имунитетот трае неколку месеци, но како времето поминува и тој се намалува, а колку точно може да трае се уште се истражува. Исто така, кај секого имунитетот делува поминаку, за разлика од имунитетот стекнат со вакцинација кој има стандардна формула за целата популација, појаснува Теодор Бејли, шефот на одделот за инфективни болести при Медицинскиот центар Балтимор.
ДАЛИ Е БЕЗБЕДНО ДА ОДИТЕ ВО РЕСТОРАНИ И КАФУЛИЊА ОТКАКО СТЕ ИМАЛЕ КОВИД-19
Тешко дека ќе се заразите неколку месеци по првата инфекција, наведува д-р Бејли, но едно истражување потврдува дека имуниетот по КОВИД-19, т.е. нивото на антитела е во пад три месеци по инфекцијата. Исто така, ако стекнете имунитет на еден сој на вирусот, не значи дека сте го стекнале и за друга варијанта.
Со оглед дека секогаш ќе постои можност повторно да се заразите, тој советува за размислувате за имунитетот по болеста како нешто што ќе ве заштити од сериозен исход, но и понатму ќе постојат ризични однесувања од кои тон не може да ве заштити. Значи и понатаму постојат работи кои треба да се избегнуваат бидејќи ги зголемуваат шанстите за инфекција, како престој во затворен простор каде се наоѓаат голем број луѓе. Тоа не значи дека оние кои неодамна се опоравиле од болеста мора да седат дома, туку мораат да одлучат колкав ризик се подготвени да поднесат. Во првите месеци по инфекцијата, повеќето од оние кои се вакцинирале, имаат многу мал ризик дека инфекцијата ќе се повтори веднаш, што значи дека ако отидат во теретана не мора да стравуваат од хоспитализација.
“Патувања, одења во ресторани или теретана за нив стануваат нешто побезбедни активности, а уште посигурно е притоа да се носи маска“, додава д-р Бејли.
ШТО УШТЕ СМЕЕТЕ ДА ПРАВИТЕ И КОИ МЕРКИ НА ПРЕТПАЗЛИВОСТ СЕ ПОТРЕБНИ?
Доколку планирате патување или сакате да одите на забава, лекарот советува секако да внимавате и на мерките за заштита, како носење маска во затворени простории каде што има голем број луѓе. Тоа е добар начин дополнително да се заштитите.
Вилијам Шафнер, професор на Универзитетот Вандербилт, се согласува и смета дека оние кои неодамна се опоравиле сепак треба да носат маски во затворени простории, а доколку планирате патување, дефинитивно треба да се тестирате, особено ако ги посетувате постарите членови на семејството. Тој исто така смета дека иако е мала, сепак постои шанса повторно да се заразите и да го ширите вирусот. Колку повеќе време поминало од претходната инфекција, толку се поголеми шансите за повторна инфекција. Сè уште вредат правила според кои лицата со позитивен тест мора да бидат во изолација.
Ризикот од појава на нови варијанти на вирусот треба да биде загрижувачки бидејќи кога ќе се појават, светот може да се соочи со нови проблеми и ќе мора да почекаме повторно за да сфатиме колку не штити вакцината и хибридниот имунитет од новиот сој на вирусот.
На крајот од целата приказна, лекарите истакнуваат дека тоа колку ќе се движите и каде зависи од тоа колку сте спремни да ризикувате. “Ако имате 70 години и дијабетес, не би ви препорачал да ризикувате, но ако имате 25 години и сте целосно здрави, и сте ја прележале болеста, јас би бил првиот што ќе ве прашам дали сте вакцинирани. Овие лица слободно може да се движат. Но бидејќи денес ништо не е сигурно, советувам и носење маски“, истакнува д-р Шафнер.
Кога ќе дојдеме до тоа да има се помалку и помалку заразени, ризикот ќе биде помал. Помалку вируси во околината значи и помали шанси тој да се шири и да се заразите. Притоа, може да издишите и да бидете посмирени неколку недели откако завршила болеста, но сепак внимавајте каде одите и не заборавајте да носите маски.
