ВАКЦИНИРАНИ СТЕ И СТЕ ПРЕЛЕЖАЛЕ КОВИД-19? Имате хибриден имунитет што се смета за најдобра заштита

Истражувањата покажуваат дека хибридниот имунитет се создава по вакцинирање и инфекција и станува збор за најсилен имунолошки одговор.

Научниците веќе со месеци се мачат да пронајдат одговор на прашањето: како поединци откако се вакциниралеи заразиле со коронавирус, имаат толку силен имунолошки одговор, а особено со тоа прашање се занимавала студија спроведена од страна на државната институција во САД,  Oregon Health Authority, а се занимава и со проучување на имунитетот кај оние кои прво се заразиле, па потоа се вакцинирале.

Доколку глобално се гледа сликата, од кога трае пандемијата од КОВИД-19 починале околу 5.6 милиони луѓе, а администрирани се околу 9.6 билиони дози вакцини. Во споредба со невакцинираните лица, оние вакцинираните во помала мера страдаат од сериозни симптоми и ретко умираат, се наведува на страниците на Центарот за контрола на здравјето.

Можноста за повторна инфекција е голема, бидејќи вирусот во големи количини кружи околу нас, појаснува д-р Фикаду Тафес, авторка на студијата.

КОИ ОДГОВОРИ ГИ НУДИ СТУДИЈАТА?

Научниците се свесни дека инфекцијата нуди имунитет, но се сега се расправа за тоа колку трае и колку е силен. Со оглед дека се регистрираат голем број на повторни инфекции (реинфекции) и некои луѓе се вакцинираат по болеста, научниците сакале да откријат како тие фактори влијаат на имунитетот. Досега собрале податоци од 104 испитаници: комплетно вакцинирани кои имале реинфекција, оние кои се заразиле по примање на вакцина и оние кои се вакцинирале и никогаш не се заразиле. Откако на сите испитаници им била земена крв, го мереле имунолошкиот одговор. Сфатиле дека не е важно дали некој прво примил вакцина или се заразил – имунитетот слично реагира.

“Нема разлика, а во секој случај ќе стекнете исклучително силен имунитет“, тврдат стручњаците. Тие велат дека хибридниот имунитет е силен, без оглед на возраста.

Таквиот имунитет е силен, но секако советот е дека е најдобро да се вакцинира и да се превземат чекори за заштита од вирусот.

“Ако се вакцинираме, во подобра позиција сме. А, ако вирусот не нападне, ќе имаме само блага форма на болеста и на крај супер имунитет“, истакнува д-р Тафес и додава дека хибридниот имунитет е најдобриот имунитет што може да го стекнете.

ЗНАЧИ ЛИ ХИБРИДНИОТ ИМУНИТЕТ КРАЈ НА ПАНДЕМИЈАТА?

Научниците сметаат дека тоа е можно бидејќи резултатите од претходни научни трудови сугерираат дека SARS-CoV-2 може да стане ендемична инфекција, како што е сезонската респираторна инфекција.