Јапонски научници тврдат дека пронашле први научни докази кои говорат во прилог на фактот дека вдишувањето одредени мириси ја менува активноста на гените и составот на крвта, со што се намалува стресот.
Акио Накамура, научник од истражувачкиот центар Technical Research Center во Јапонија, напоменува дека луѓето од дамнина вдишувале мириси на одредени билки за да го намалат стресот, се бореле против воспаленија и депресија и го поттикнувале сонот.
Ароматерапијата во денешно време е популарен облик на алтернативна медицина која како најмногу користена работа за смирување на емоционалниот стрес го користи линалолот. Но, и покрај тоа, точното делување на линалолот на телото досега не билo познатo.
Научниците, лабораториски глувци изложиле на стресни ситуации при вдишување на линалол и без вдишување. Откриено е дека оваа состојка го повратила високото ниво на неутрофил и лимфоцитите – клетки на имуниот систем на речиси нормално ниво. Вдишувањето на линалол ја намалило активноста на повеќе од 100 гени кои се изразено активни во стресни ситуации.
