Голем дел од овошјето и зеленчукот содржат белковини слични на поленот, па имуниот систем погрешно ги толкува. Станува збор за орален алергиски синдром (ОАС), а се јавува кај лицата кои се алергични на полен.
Храна која го предизвикува оралниот алергиски синдром се јаболките, сливите, праските, црешите, бадемите и морковот.
Симптомите кои траат од неколку минути со еден час, главно се појавуваат во усната шуплина при што се јавува чешање на усните, јазикот и грлото.
Овој синдром е почест кај адолесцентите и возрасните лица. Добра превенција претставува варење на овошјето и на зеленчукот.
