Печење и болка во пределот на градите, надуеност, подригнување, мачнина, враќање на храна од желудникот… се се тоа симптоми на жиговина, од која страдаар помеѓу 20 и 40 проценти од западната популација. Ако прв пат се среќавате со жиговина, може да се изненадите, со оглед на тоа дека многу симптоми на печење и болка во градите се заменуваат со срцев удар. Таа може да се јави во блага форма кај некои лица, но некои ги мачи секојдневно. Тогаш вообичаено станува збор за некоја сериозна болест и нужно е да се побара лекарска помош.
Станува збор за појава кога желудочната киселина се дига од желудникот во хранопроводот, што предизвикува болка и печење. Мускулот кој се нарекува долен сфинктер на хранопроводот, главно го спречува влезот на желудочната киселина во него. При жиговина, киселината влегува во хранопроводникот, а таа состојба се нарекува рефлукс.
Изборот на вистински намирници е исклучително важен кај оние кои страдаат од чувствителен желудник. Се смета дека храната е одговорна за појава на жиговина во дури 92 проценти од случаевите. Одредени намирници може да делуваат како тригер за појавата на жиговина, затоа се препорачува нивно избегнување. Тоа се цитруси, масна, и зачинета храна, чоколадо, млеко, газирани сокови, алкохолни пијалаци, кофеин.
