Повеќето од нас искусиле нагло затресување на телото во момент кога се обидуваме да заспиеме. Тоа е комплетно бенигна појава и ја искусуваат и до 70 проценти од луѓето.
“Ова се нарекува хипничен трепет. Се појавува изненаден трепет на дел од телото или на целото тело, а се чувствува како удар од електрицитет или како да паѓаме“, вели доц. д-р Кек Дасгупта, од катедрата за клиничка медицина Универзиетот во Калифорнија.
Иако најчесто се случува на преминот помеѓу будна состојба и спиење, може да се случи и во различни фази на сонот, а понекогаш и да не разбуди.
Зошто тоа се случува се уште не е комплетни јасно, бидејќи со сонот и спиењето се уште се поврзани многу непознаници. Научниците веруваат дека хипничниот трепет е можеби и еволуциски знак, односно носиме да од далечното минато кога луѓето спиеле на дрва, хипничниот трепет би го спречило паѓањето.
Иако нема причина за загриженост, хипничниот трепет се јавува и кај совршено здрави лица, а постојат неколку причини кои можат да се поврзат со него.
- НЕНАСПАНОСТ
“Лошиот квалитет на сонот значи дека не добивате подлабока РЕМ фаза на спиењето што е обновувачка. Иако поминувате седум до девет часа во кревет, како што е препорачано, можеби се будите ненаспиени и сте поспани во текот на денот. Хигиената на спиење, како што е времето пред спиењето за релаксирачки активности и оддалечување од екраните, се важни за квалитетот на сонот“, советува д -р Дасгупта.
- СТРЕС
“Би било многу интересно да се истражи дали луѓето почнале да доживуваат хипнотични трепети или т.н грчеви за време на пандемијата со КОВИД-19“, вели д -р Дасгупта. Имено, менталниот и емоционалниот стрес може да предизвика хипнични трепети.
- КОФЕИН
“Стимулаторите, како што се кофеинот и никотинот, исто така, се поврзани со хипничните грчеви. И не е чудно што недостатокот на сон и консумирањето кофеин можат да одат рака под рака. Колку повеќе сте ненаспиени, толку повеќе посегнувате по кофеинот за да останете будни“, вели д -р Дасгупта. Затоа тој препорачува да пиете најмногу две до три шолји кафе дневно.
- АПНЕА
“Со оглед дека хипничните грчеви се јавуваат за време на преминот помеѓу будење и спиење, најверојатно ќе се појават ако имате апнеа во сон, состојба која се карактеризира со кратки паузи во дишењето во текот на ноќта, предизвикувајќи повеќекратни возбудувања и будења, објаснува д-р Дасгупта.
Останатите знаци и симптоми на апнеа вклучуваат ‘рчење или задишување во текот на спиењето (нешто што вашиот партнер во кревет може да го забележи), како и прекумерна дневна поспаност или главоболка кога ќе се разбудите. Апнеата е опасна бидејќи може да го зголеми ризикот од срцеви заболувања, затоа разговарајте со вашиот лекар.
