Апнеата е пореметување на спиењето, а заболените најчесто престануваат да дишат на некое време додека спијат и тоа неколку пати во текот на ноќта или при попладневното спиење.
Ова пореметување најчесто ги погаѓа мажите, и тоа дури 7% од возрасните, објаснува Дејвид Рапопорт, стручњак од Здравствениот центар за спиење во Њујорк.
Моментите кога телото не добива доволно кислород, односно апнеата трае околу 20 до 30 секунди и тоа неколку пати во текот на сонот. До 4 прекини во еден час се смета за нормално, но ако имате повеќе од 15 и во потешките случаи и со 60, боледувате од апнеа, сериозно и опасно пореметување, напоменува д-р Рапопорт.
Долготрајното пореметување на спиењето е поврзано со неправилни отчукувања на срцето, хипертензија, па дури и со срцев удар. Раното откривање и поставување на дијагнозата навреме, може да го намали ризикот и да се започне со соодветна терапија.
Ова се 7 знаци кои може да ви укажат дека боледувате од ова пореметување на спиењето:
- Постојано сте уморни
- Гласно ‘рчите
- Можете да заспиете било каде и било кога
- Раздразнети се и имате проблеми со помнењето
- Утрото го почнувате со главоболка
- Се будите за да отидете да уринирате
- Се будите си суво грло и сува уста
