Има денови кога не можете да престанете да ја отворате устата – не за да зборувате или да кажете нешто паметно, туку поради зевањето.
Во некои ситуации проѕевањето може да биде непријатно. Може да изгледате незаинтересирано или како да ви е досадно.
Како и да е, експертите велат дека е подобро да не се бориме против зевањето.
Зевањето го активира автономниот нервен систем и предизвикува зголемување на бројот на срцеви отчукувања.
Ако сте уморни, преку зевањето ќе му обезбедите свеж воздух на мозокот.
„Може да се претпостави дека организмот преку зевањето се бори против заморот, дури и ако неговиот ефект не трае долго“, вели професорот Инго Фиц од Универзитетската болница „Charite“ во Берлин.
Но зошто зеваме не е сосема јасно. „Немало многу истражувања за тоа“, вели Фиц.
А што доколку не сакате да се проѕевате? Во ситуации каде тоа може да изгледа несоодветно, можете тивко да се воздржите. Секако, тоа нема да има негативни последици за вашиот организам.
