Вишните се познати од памтивек, а ги консумирале и Персијците, Грците и Римјаните. Не се интересни само поради својот вкус, туку помагаат и при несоница, болки и се природен антиоксидант. Даваат чувство на ситост и го чистат организмот. Богати се со витамини А и Ц и фолна киселина, калиум, магнезиум, железо и влакна. Помагаат во превенција и ублажување на многу здравствени проблеми.
Една чаша сок од вишни на ден ги намалува болките и непријатноста во зглобовите предизвикани од остеоартритис
- Подобар сон
Не можете никако да заспиете ноќе? Напијте се сок од вишни најмалку 30 минути пред спиење. Вишните се добар извор на мелатонин, хормон кој го регулира циклусот на спиењето. Колку се вишните покисели толку имаат повеќе мелатонин.
- Превенција од деменција
Светската организација за Алцхајмерова болест ги препорачува вишните како една од изворните намирници кои помагаат да се спречи развојот на болеста, пред се, поради нивното високо ниво на антиоксиданти.
- Го намалуваат ризикот од мозочен удар
Истражувањата направени на Универзитетот Мичиген покажуваат дека вишните содржат антоцијанини, пигменти, кои им ја даваат црвената боја. Исто така, го намалуваат ризикот од висок холестерол, покачен крвен притисок и дијабетес.
- Го успоруваат стареењето на кожата
Вишните содржат количина на антиоксиданти, поголема од повеќето друго овошје. Антиоксидантите се борат против слободните радикали и го забавуваат стареењето на нашата кожа. Затоа пијте барем еден сок од вишни дневно.
- Ја намалуваат болката во мускулите
Шолја вишни или чаша сок од вишни на ден помага во олеснување на болките и воспалението на мускулите и зглобовите.
- Помагаат во регулирање на крвниот притисок
Вишните се богати со калиум кој помага во регулирање на отчукувањата на срцето, крвниот притисок и го намалува ризикот од хипертензија. Фитостеролите во вишните помагаат да се намали нивото на лошиот холестерол.
- Помагаат при остеоартритис
Студијата, во која учествувале жени од 20 до 40 години покажала дека една чаша сок од вишни на ден ги намалува болките и непријатноста во зглобовите предизвикани од остеоартритис.
