Кога неодамна се преселила во нова куќа на Флорида Кејти Холи знаела со што се соочува – таа и нејзиниот сопруг се сретнале со многу лебарки, благодарение на влажната и топла клима.
Една вечер Холи почувствувала нешто чудно во увото кое ја разбудило среде ноќ. Тоа „нешто“ било лебарка. „Имав нервен слом“, се потсетила Кејти. Таа и сопругот се обиделе да ја извлечат лебарката од увото со помош на пинцета, но успеале само да и ги отстранат нозете додека телото и останало заглавено во внатрешноста на увото.
Кога стигнала во болница, лекарот и аплицирал анестетик во увото за да го умртви осетот и да ја усмрти лебарката.
„Две минути чувствував како лебарката ми умира во увото“
Лекарот ја извадил лебарката и и дал антибиотици, но кога се вратила дома сфатила дека не се чувствува добро и дека слухот и е оштетен.
Цели девет девет дена по инцидентот, Кејти посетила доктор поради болки во увото. Мислејќи дека се работи за ушна маст, лекарот и го испрал увото, но од неговата внатрешност излегла горната половина на лебарката, која цело време била таму!
Брзо потоа ги направила сите потребни прегледи за да се осигура дека нема повеќе ништо во увото.
Ретко се случува, но мора да се биде внимателен
Случајот на Кејти е редок, но треба да внимавате ако забележите некој инсект во собата пред спиење. Ако се случи да влезе во вашето уво, не смеете никако да се обидувате да го извадите или исчистите со стапчиња за уши, бидејќи така може само да го поттурнете уште подлабоко во увото и да го оштетите ушниот канал.
Во овој случај, треба лесно да ја протресете главата на страната каде што е инсектот заглавен и да истурите малку масло за бебе или маслиново масло“, пишува „Insider“. Живите инсекти можат да го оштетат ушното тапанче со гребење, па затоа треба брзо да се реагира.
Ако инсектот е мртов, може да се измие со топла вода, но најдобро е да побарате медицинска помош што е можно поскоро.
