Витаминот Д е попознат и како „витамин на сонцето“, бидејќи нашиот организам го произведува при изложување на сончевите зраци, кои, пак, се оскудни во зимскиот период. Токму тоа е и причината поради која многу луѓе се одлучуваат да го земат како додаток, со цел да го оддржат потребното ниво на витаминот во организмот. Но земањето витамин Д во дополнителен облик не е секогаш добра идеја, па дури може да биде и опасно, предупредуваат експертите.
„Иако нивото на витаминот Д во организмот во текот на зимските месеци опаѓа, додатокот на витамин Д треба да се зема само во консултација со лекар“, апелира германската фармацевтска групација „Apothekerkammer Niedersachsen“. Оттаму предупредуваат дека премногу витамин Д може да предизвика прекумерна жед, зголемена потреба за мокрење, мачнина и слабост.
Меѓу природните извори на витамин Д е мрсната риба, жолчка од јајце, црвено месо, црниот дроб и млечни производи. Освен храна која содржи високо ниво на витамин Д, се советуваат и прошетки во текот на сончевите зимски денови.
Организмот го складира витаминот Д во црниот дроб и во масното ткиво. Во зима може да обезбеди доволна количина на витамин Д, потпирајќи се токму на овие резерви.
Недостатокот на витамин Д влијае на слабеење на коските и може да доведе до остеопороза.
