Повисокото ниво на витамин Д во организмот значително го намалува ризикот од развој на рак на дебелото црево, покажало големото истражување спроведена на харвардската TH Chan School of Public Health.
Научниците откриле дека витаминот Д им пружа отпор на туморите во желудникот, блокирајќи го преминот на клетките на ракот, а најмногу ги штити жените. Тие ги истражувале случаите на 5 700 луѓе заболени од рак на дебелото црево во САД, Европа и Азија, и 7 100 лица на контрола, пренесува „Дејли мејл“.
Споредувајќи ги податоците, луѓето кои имале понизок внес на витамин Д имале дури 31 процент поголема веројатност во следните пет години да заболат од еден од најчестите злоќудни тумори.
„Во моментов, здравствените агенции не го препорачуваат витаминот Д како превенција против рак на дебелото црево, но по ова истражување се надеваме дека ќе го вклучат во препораките“, изјавиле авторите на истражувањето.
Витаминот Д, кој е познат и како витамин на сонцето, телото го апсорбира преку зраците на сонцето, но и сината риба е богата со овој витамин. Конкретно, лососот, туната, скушата и сардините се добар извор на витамин Д, кој може да се најде и во млекото, сокот од портокал, жолчка од јајце, јунешки црн дроб, путер…
