Кај некои личности промените на расположението после консумирањето алкохол можат да бидат прилично интензивни и да предизвикаат паничен напад, проследен со отежнато дишење и вознемиреност, пишува магазинот Превенција.
Кога телото го метаболира алкохолот за да го исфрлиме од „системот“, паѓа нивото на шеќер во крвта. Освен тоа, воспалителните процеси се интензивираат. Бројни студии докажале дека воспаленијата доведуваат до промени на расположението и проблеми со памтењето затоа што скокот на инфламаторните маркери може да влијае на нервниот систем. Кога на ова ќе го додадете и ниското ниво на шеќер во крвта доаѓа до нервоза или потиштеност. Физичките симптоми на мамурлакот, како што се мачнина и вртоглавици, можат дополнително да ја отежнат состојбата.
