Ова се начини на кои полека, но сигурно го уништувате црниот дроб

Меѓу другото, црниот дроб е задолжен за чистење на крвта, отстранување на токсините од организмот, претворање на хранливите материи во енергија и чување на витамините и минералите.

Црниот дроб е еден од најголемите и најважни органи кои извршува повеќе од 500 витални функции во телото. Меѓу другото, црниот дроб е задолжен за чистење на крвта, отстранување на токсините од организмот, претворање на хранливите материи во енергија и чување на витамините и минералите.

АЛКОХОЛ

Сите сме свесно за штетните ефекти кои алкохолот може да ги има врз телото, особено кога станува збор за црниот дроб. Но, некои се уште се изненадени со фактот дека не секогаш е потребно прекумерно консумирање на алкохол за да се предизвика сериозна штета на овој орган.

Според лекарите, прекумерното пиење алкохол кај секој подразбира друга количина, но колку и да било премногу за вас, тоа може да значи непрекинати воспалителни процеси во организмот и последично прекумерна работа на црниот дроб. Години на воспалителни процеси можат на крајот да доведат до оштетување на ткивото на црниот дроб и цироза или завршен стадиум на хронична болест, што е водечка причина за затајување на овој витален орган.

СТРЕС

Прекумерната и долготрајна изложеност на стрес има лош ефект на целиот организам, па така и на црниот дроб. Истражување покажало можна поврзаност помеѓу високото ниво на психички стрес (симптоми на анксиозност и депресија) и смртни случаи кои се последица на разни болести на црнито дроб.

ПРЕМНОГУ ЛЕКОВИ БЕЗ РЕЦЕПТ

Прекумерното користење на лекови без рецепт за било која намена, во поголеми количини, може да бидат отровни.

“Токму како и се останато што дигестираме, овие лекови минуваат низ црниот дроб и во себе содржат отрови кои може да предизвикаат долготрајно оштетување на црниот дроб. Ако се зема лек за намалување на температура во правилна доза, тој е безбеден. Но, ако се зема во поголеми од препорачаните дози, може да предизвика оштетување на црниот дроб, во распон од абнормалности во тестовите на функциите на овој орган, до акутно затајување, па дури и смрт. Со оглед дека ваквиот тип на лекови како комбинација се става и во многу други лекови, за болка, главоболка, настинка и слично, може и да се внесува повеќе од препорачаното, а не да сме ни свесни“, предупредуваат лекарите.